ՆԱԽԱԳԾԵՐ ԱՐՑԱԽՈՒՄ

Էկո-գյուղ

«Էկո-գյուղ Նորագյուղ» հայեցակարգի նպատակն էր Ասկերանի շրջանում զարգացնել կրթության և կայուն զբոսաշրջության մի կենտրոն, որը կգրավի տեղական, ազգային և միջազգային զբոսաշրջիկներին, կհարգի տեղական ավանդույթներն ու սոցիալական կառուցվածքները, աշխատանքի հնարավորություններ կընձեռի տեղացիներին և շրջանի տնտեսական բարգավաճման երաշխիքներ կտա: Նախագծի հիմնական մարտահրավերներն են դեպի Արցախ զբոսաշրջության պահանջարկի խթանումը և հյուրընկալության կառավարման, շինարարության ու կայուն գյուղատնտեսության ոլորտներում գիտելիքների պակասը: Ուստի և նախագիծը ներառում է զբոսաշրջության ենթակառուցվածքի ձևավորում, մասնագիտական դպրոցի և էկո-մոդելով ագարակի զարգացում:

«Էկո-գյուղը» ներկայացնում է Արցախի գրավիչ կետերը և երկրի արժեքները միասնաբար՝ հսկայական պատմությունն ու յուրահատուկ մշակույթը, փառաբանում է երկիրը: Էկո-գյուղը ներգրավում է տեղի ժողովրդին՝ միաժամանակ հարմարվելով տեղանքին ու կլիմայական պայմաններին: Այս համապարփակ մոտեցմամբ, շրջանի զարգացումն օժտված է էկոտուրիզմի համաշխարհային ցուցադրություն դառնալու ներուժով:

Ծրագիրն ինտեգրվելու է Արցախի էկոհամակարգին՝ հիմնվելով այն գաղափարի վրա, որ հնարավոր է պահպանել անցյալն ու ավանդույթները և միևնույն ժամանակ հասնել տնտեսության ու կրթության զարգացման: