ԷԿՈՀԱՄԱԿԱՐԳԱՅԻՆ ՀԱՐԹԱԿՆԵՐ > ՄԱՐԴԱՍԻՐԱԿԱՆ ՀԱՐԹԱԿ

ԱՎՐՈՐԱ ԴՐԱՄԱՇՆՈՐՀՆԵՐ

Տրամադրելով «Ավրորա» դրամաշնորհներ՝ աջակցելով կրթական նախագծերին և պահպանելով հայկական ժառանգությունը, Հայոց ցեղասպանությունը վերապրածների ժառանգները ցանկանում են հարգել իրենց նախնիներին փրկողների հիշատակը՝ բարձրացնելով հանրային իրազեկությունը մարդասիրական ջանքերի և հայոց պատմության վերաբերյալ:

2015-ԻՑ ՄԻՆՉԵՎ 2021 Թ.-Ի ԱՊՐԻԼՆ ԱՅՍ ԾՐԱԳՐԻ ՄԻՋՈՑՈՎ ՏՐԱՄԱԴՐՎԵԼ Է 7․8 ՄԻԼԻՈՆ ԱՄՆ ԴՈԼԱՐԻ ԴՐԱՄԱՇՆՈՐՀՆԵՐ

ՄԱՐԴԱՍԻՐԱԿԱՆ ԾՐԱԳՐԵՐ՝ 3․9 ՄԻԼԻՈՆ ԴՈԼԱՐ

ԿՐԹԱԿԱՆ ԾՐԱԳՐԵՐ՝ 1․9 ՄԻԼԻՈՆ ԴՈԼԱՐ

ՀԱՅԿԱԿԱՆ ԺԱՌԱՆԳՈՒԹՅԱՆ ՊԱՀՊԱՆՈՒՄ՝ 2 ՄԻԼԻՈՆ ԴՈԼԱՐ

Կրթական նախագծերից են Վարդան Գրեգորյանի անվան կրթաթոշակը (գիտահետազոտական դրամաշնորհներ), որն օժանդակում է XX դարի հայոց պատմությունն ուսումնասիրող երիտասարդ գիտնականներին, ինչպես նաեւ «Երիտասարդական Ավրորան», որը խրախուսում է ուսանողական ծրագրերը, որոնք կայուն լուծումներ են առաջարկում մարդասիրական խնդիրների համար: «Ավրորայի» տրամադրած կրթաթոշակները հնարավորություն են տվել ռիսկային եւ խոցելի խմբերի 62 երիտասարդների սովորելու «Միավորված աշխարհի քոլեջներ» (UWC) միջազգային դպրոցների ցանցում եւ Հայաստանի ամերիկյան համալսարանում: Ծրագիրն ունի անհատական կրթաթոշակներ՝ Լամիյա Հաջի Բաշարի (տրվել է եզդի ուսանողների), Ամալ Քլունիի (տրվել է լիբանանցի աղջիկ ուսանողի, որն ունի մեծ հետաքրքրություն մարդու իրավունքների բնագավառում) եւ Շառլ Ազնավուրի անվան (նախատեսված Ֆրանսիայի կամ ֆրանսախոս երկրների ուսանողների համար):

«Ավրորա» դրամաշնորհներ ծրագիրն օգնում է բարձրացնել իրազեկությունը մարդասիրական գործունեության վերաբերյալ՝ օժանդակելով նախաձեռնությունների, որոնք աջակցում են անապահով համայնքներին: 2020 թ. 100.000 ԱՄՆ դոլարի դրամաշնորհ է հատկացվել Քուինսի «Էլմհըրսթ» հիվանդանոցին՝ մեծարելու Նյու Յորքի՝ կորոնավիրուսի դեմ պայքարող հերոսներին: Եվս 50.000 ԱՄՆ դոլարի դրամաշնորհ հատկացվել է լիբերիացի խաղաղության ակտիվիստ Լեյմա Գբովեի հիմնած Աֆրիկայի «Գբովե» խաղաղության հիմնադրամին:

Memory Act նախագծով «Ավրորա» դրամաշնորհներ է տրամադրվում նաեւ Մատենադարանին՝ հին ձեռագրերի գիտահետազոտական ինստիտուտին, եւ Հայոց ցեղասպանության թանգարան-ինստիտուտին՝ նպաստելով Հայաստանի մշակույթի եւ պատմական ժառանգության պահպանմանը:

2020 թ.–ի նախաձեռնությունը Մատենադարանին հատկացրեց 10.000 ԱՄՆ դոլարի դրամաշնորհ ՝ թվային մատենադարան ստեղծելու և առցանց հիմնական ցուցասրահը ներկայացնելու համար: Ակնկալվում է, որ դա թույլ կտա Մատենադարանին` ունենալ տարեկան առնվազն 1.000.000 վիրտուալ այցելու:

Բացի այդ, «Ավրորայի» աջակցությամբ` Հայոց ցեղասպանության թանգարան-ինստիտուտը կարողացավ վերահրատարակել Ավրորա Մարդիգանյանի «Հոշոտված Հայաստան» հուշագրությունն անգլերեն և հայերեն՝ ներառելով լրացուցիչ 20 էջ հղումներ և բացատրական ծանոթագրություններ:

«Ավրորա» դրամաշնորհները նյութականացնում են «Երախտագիտությունն՝ ի գործ» և «երկրորդ հնարավորություն՝ այսօր» հասկացությունները՝ կենտրոնանալով ապագայի (կրթաթոշակների) և անցյալի (պատմության պահպանում) վրա: