ԱՎՐՈՐԱ ՄՐՑԱՆԱԿ

«Ավրորա» համաշխարհային մարդասիրական մրցանակի առաքելությունն է ճանաչման արժանացնել և աջակցել այն մարդկանց , որոնք վտանգում են սեփական կյանքը, առողջությունն ու ազատությունը, որպեսզի փրկեն այն մարդկանց կյանքը, առողջությունն ու ազատությունը, ովքեր տառապում են հակամարտությունների, մարդկության դեմ իրագործվող հանցագործությունների կամ մարդու իրավունքների այլ լուրջ խախտումների հետևանքով։ «Ավրորա» մրցանակի դափնեկրին ընտրում է անկախ Ընտրող հանձնաժողովը՝ հիմնվելով առաջադրված թեկնածուների ցուցաբերած խիզախության, նվիրումի և իրենց համայնքներում ունեցած ազդեցության հիման վրա։

Հայոց ցեղասպանությունը վերապրողների անունից՝ ի երախտագիտություն նրանց փրկողների, «Ավրորա» մրցանակի դափնեկրին շնորհվում է 1.000.000 ԱՄՆ դոլար պարգև, որն էլ բացառիկ հնարավորություն է ընձեռում նրան շարունակելու նվիրատվության շղթան և աջակցելու կազմակերպություններին, որոնք օգնում են կարիքի մեջ գտնվողներին: