2000-ականների սկզբից մինչ օրս աջակցություն է տրվել 20-ից ավելի կազմակերպությունների՝ ինստիտուցիոնալ կերպով կազմավորվելու կամ գործունեությունը վարելու նպատակով, ինչպես նաև ուղղակի ներդրում է կատարվել նրանց նախաձեռնած որոշակի ձեռնարկումներում: Նման աջակցությունից օգտված կազմակերպություններն այնպիսի նպատակներ են հետապնդել, ինչպիսիք են մշակութային և հումանիտար ժառանգության պահպանումն ու խթանումը, երեխաների և հայ հասարակության տարբեր շերտերի կյանքի որակի բարձրացումը, երիտասարդների որակյալ կրթությանն աջակցումը, ծանր հիվանդություններից տառապողների համար առողջապահական հնարավորությունների ապահովումը և այլն:
«Ազնավուր» հիմնադրամը, որն ստեղծել են Շառլ Ազնավուրը և նրա որդի Նիկոլա Ազնավուրը, նպատակ ունի շարունակելու լեգենդար երգչի նախաձեռնած կրթական, մշակութային ու սոցիալական նախագծերի զարգացումն ու իրականացումը: Հիմնադրամի առաքելության մյուս կարևոր կոչումն է Շառլ Ազնավուրի մշակութային ու մարդասիրական ժառանգության պահպանումն ու առաջմղումը։
«ՄԱԼԽԱՍ» ՋԱԶ-ԱԿՈՒՄԲ
«ԱՐՑԱԽԻ ՁԱՅՆԵՐ»
«ՀԱՅՈՐԴՅԱՑ ՏՈՒՆ»
Մոսկվայի «Հայորդյաց տուն» հայկական երիտասարդական կենտրոնը նպատակ ունի Մոսկվայի հայ երիտասարդներին ծանոթացնելու հայոց դարավոր մշակույթին ու ավանդույթներին:
ԱՐՑԱԽԻ ԱԶԱՏԱՄԱՐՏԻԿՆԵՐԻ ՄԻՈՒԹՅԱՆ ՆՊԱՏԱԿՆ աջակցել ազատամարտիկներին, նպաստել հանրապետության անվտանգության ամրապնդմանը և նոր սերնդի ռազմահայրենասիրական դաստիարակությանը:
«ՆՎԻՐԻՐ ԿՅԱՆՔ»- ն օգնում է քաղցկեղի տարբեր ձևերից, արյան լուրջ խանգարումներից և կյանքին սպառնացող այլ հիվանդություններից տառապող երեխաներին, պատանիներին ու երիտասարդներին:
«ԻՄՓԱՔԹ ՀԱԲ ԵՐԵՎԱՆ» սոցիալական նորարարության զարգացման հիմնադրամը սոցիալական նորարարական համայնք է և տարածք, որի առաքելությունն է աջակցել սոցիալական ազդեցության նախագծերին ու ձեռնարկումներին, որոնք դրական սոցիալական փոփոխություններ են իրականացնում Հայաստանում և երկրից
դուրս:
«ՀԱՅԱՍՏԱՆԻ ՄԱՆՈՒԿՆԵՐ» ՀԻՄՆԱԴՐԱՄ «Հայաստանի մանուկներ» բարեգործական հիմնադրամը շահույթ չհետապնդող հասարակական կազմակերպություն է, որը կիրառում է Հայաստանի գյուղական կյանքի որակի բարձրացմանն ուղղված համայնքային առաջնորդության մոտեցումներ՝ հատուկ ուշադրություն հատկացնելով երեխաներին ու երիտասարդներին:
«ՎԵՐԱԴԱՐՁ ՀԱՅԱՍՏԱՆ» հիմնադրամը հասարակական, ոչ առևտրային հաստատություն է, ստեղծվել է 2012 թ.–ի օգոստոսին՝ հայրենադարձության ակտիվ խթանման հայեցակարգը հաջորդ մակարդակին հասցնելու նպատակով։
«ՀԱՅԱՍՏԱՆ» ՀԱՄԱՀԱՅԿԱԿԱՆ ՀԻՄՆԱԴՐԱՄԸ եզակի մի կառույց է, որի նպատակն է ստեղծել համահայկական ցանց, աջակցել Հայաստանին ու աշխարհի հայերին և իրականացնել Հայաստանի և Արցախի կայուն ու համաչափ զարգացումը ապահովող ծրագրեր։
«ԵՐԵՎԱՆ, ԻՄ ՍԵՐ» ՀԻՄՆԱԴՐԱՄԸ եզակի մի կառույց է, որի նպատակն է ստեղծել համահայկական ցանց, աջակցել Հայաստանին ու աշխարհի հայերին և իրականացնել Հայաստանի և Արցախի կայուն ու համաչափ զարգացումը ապահովող ծրագրեր։
«ԱՅԲ» ԿՐԹԱԿԱՆ ՀԻՄՆԱԴՐԱՄԸ նվիրված է Հայաստանում ուսուցման նոր մշակույթի ձևավորմանը և համակարգված ներդրումներին՝ կրթական միջավայրի բարելավմանը նպաստելու նպատակով:
«ԴԱՍԱՎԱՆԴԻ՛Ր ՀԱՅԱՍՏԱՆ» -ի առաքելությունն է նվիրյալ առաջնորդների համազգային շարժման խթանումը՝ հանուն Հայաստանի բոլոր երեխաների կրթական հնարավորությունների ընդլայնման:
